fbpx

“ბათუმი თაუერი” კომპანიების ტოპ ათეულში შევიდა

საქსტატის ინფორმაციით, საქართველოში 2015 წლის II კვარტალში განხორციელებული პირდაპირი უცხოური ინვესტიციების მიხედვით, “ბათუმი თაუერი” კომპანიების ტოპ ათეულში შევიდა.

2015 წლის 6 თვის მონაცემებით, საქართველოში განხორციელებულმა ინვესტიციების რაოდენობამ 530 მილიონი დოლარი შეადგინა, რაც 2008 წლის შემდეგ ყველაზე მაღალი მაჩვენებელია. „საქსტატის“ მონაცემებით, 2015 წლის მეორე კვარტალში საქართველოში 354 მილიონ 700 ათასი დოლარის ოდენობით უცხოური ინვესტიცია განხორციელდა, რაც 2014 წლის ანალოგიურ მაჩვენებელს თითქმის 82%-ით აღემატება და ყველაზე მაღალი მაჩვენებელია 2008 წლის შემდეგ. სექტორების მიხედვით, საქართველოში განხორციელებული პირდაპირი უცხოური ინვესტიციების ყველაზე დიდი წილი ტრანსპორტსა და კავშირგაბმულობაზე მოდის, სადაც 207.4 მლნ აშშ დოლარის მოცულობის ინვესტიცია განხორციელდა, რაც მთლიანი ინვესტიციების რაოდენობის 58.5%-ს შეადგენს. შემდეგ მოდის საფინანსო სექტორი – 41.4 მლნ აშშ დოლარით (მთლიანი ინვესტიციების 11.7%), შემდეგ დამამუშავებელი მრეწველობა – 29.5 მლნ აშშ დოლარი (მთლიანი ინვესტიციების 8.3%), უძრავი ქონება – 19.6 მლნ აშშ დოლარი (მთლიანი ინვესტიციის 5.5%).

2015 წლის მეორე კვარტალში განხორციელებული პირდაპირი უცხოური ინვესტიციის მიხედვით ტოპ ათეული ასე გამოიყურება:

1. BP ჯგუფი

2. შპს შავი ზღვის ტერმინალი

3. შპს ჯეოსელი

4. შპს CBD დეველოპმენტ

5. აიდიეს ბორჯომი – შპს აიდიეს ბორჯომი ბევერიჯიზ კომპანის საქართველოს ფილიალი

6. შპს ტავ ურბან საქართველო

7. შპს ყაზტრანსგაზ-თბილისი

8. შპს ბათუმი თაუერი

9. შპს ჩაინა ნუქლეარ ინდასტრი 23 ქონსტრაქშენ კო-ს ფილიალი საქართველოში

10. შპს ოლდ სითი დიველოპმენტ

By | 2016-09-30T12:34:10+00:00 სექტემბერი 15th, 2015|სიახლეები|გამორთულია კომენტარი ჩანაწერზე: “ბათუმი თაუერი” კომპანიების ტოპ ათეულში შევიდა
დარეკვა
+
დამირეკეთ!